شام اور عراق کی سرحد پر داعش کا حملہ ناکام

مہر خـررساں ایجنسی نے النشرہ کے حوالے سے نقل کیا ہے کہ عراقی فورسز نے شام کی سرحد پر وہابی دہشت گرد تنظیم داعش کے حملے کو ناکام بنادیا ہے۔ اطلاعات کے مطابق عراقی فورسز نے شام کے سرحدی علاقہ تل صفوک میں داعش کے حملے کو ناکام بنادیا ۔ عراقی ذرائع کے مطابق داعش کے باقی ماندہ عناصر عراق اور شام کے سرحدی علاقوں میں کبھی کبھی دہشت گردانہ کارروائی کے لئے ظاہر ہوتے ہیں دہشت گردوں کی کارروائی کو عوامی رضاکار دستے ناکام بنا دیتے ہیں۔